وين نوالوه

ابلتي تينن كلنا نحبها بس فيها عيب صغنون تحب تاكل يمه يمه شنو تاكل كل شي تاكل ومتينه حدها بس مع متنها وحبها للاكل بصراحه تهبل المهم اقولكم عنها سالفه اهي دايما تطلب منا نسوي واجب في البيت اهي طبعا تختاره وفيه عندنا بنت مطفرتها كل ماقالت لها الابله وين الواجب قالت شنو احنا بعسكريه فتحمق الابله وتطلعها بره وفي يوم فقدناها ندور ندور مالقيناها بعدين اجتمعنا كلنا البنات وقلنا اكيد الابله ماكلتها متنا من الضحك بس ممكن تسويها المهم فيه وحده منا لسانها طويل فدشت عليها وكانت بغرفة الوكيله بروحها وهم قاعده تاكل واحنا طبعا واقفين وراها نسمع جان تقول لها ابله وين نوالوه فردت الابله مدري عنها جان تقوم تطالع بطنها وتقول لها اكيد ماتدرين عنها وتشرق الابله بغت تموت لانها فهمت شنو معنى النظره ونروج ركضه ندور لها ماي وحاله واحنا معاها لين ركدت جان تقول لنا ليكون مفكرين اني ماكلتها قلنا لها ابله نوالوه مو من عادتها تغيب الحين صار لها ३ ايام مالها حس فماتت الابله من الضحك وقالت والله خوش فكره من اليوم اي بنت ماتكتب واجبها باكلها جان ننحاش وهي ورانا تركض بشحمها ولحمها وتصارخ وقفوا نوقف ميانين احنا