الا احرّج

حصوه بنت ام حصوه مسويه لها مدونه يعني كلش عاد ومدوختنا في المدرسه كل يوم يايه عندنا وفلانه دشت عندي وفلانه قالت عني وفلانه مدحتني وفلانه رزنتي دخنا ذبحتنا جان اقول حق رفيجتي شرايج  ندش مدونتها قالت ماعرف قلت لها تعالي اليوم ابيتنا ونحوس لين نلاقيها طبعا ماخذنا العنوان من حصيصه يمه جان تفضحنا المهم دشينا الحبيب قوقل لا خلا ولا عدم ونحوس ماعرفنا اخر شي طلع لنا موقع يقول تبون مدونه قلنا ياللا نسوي مدونه بعد احسن عشان نحرها موليه يمكن تموت  وكوماري كل شوي يايبه لنا العصير وشرب بالهلعصير وفراره المهم سوينا المدونه وخليتها  باسمي طبعا بخليها بسمي شنو انا اللي تعبت فيها المهم دقينا تليفون على وحده تفهم بهشغلات جان تعلمنا على موقع يعطينا قوالب وياللا ركضه وهي معانا على الماسنجر لين سوينا هذا الموقع ترى اليوم انا مسويته يعني اليوم الاحد  خل اكتب التاريخ عشان تعرفون والله مدري جم التاريخ اظن 18 المهم بوزت رفيجتي وقالت انا ابي مدونه قلت لها شوفي مايصير كل المدرسه تسوي لها مدونات بس ياللا مدونتي وكافيه .. ومن سويت هالمدونه وانا التليفون ماوقف من ايدي يلا دشوا يلا كتبوا نبي نحر حصوه شنو هي احسن مني ولا يعني احسن مني لا اخاف احسن مني باجر باجر بس اروح المدرسه ماخلي احد ماقوله عن مدونتي حتى الحارس اخليه يدش يشوفها ولا تدرون بوقف في الهده وكل واحد ياخذ اعياله بعطيه عنوان مدونتي الا اخليها تنترس عشان احر حصوه بنت ام حصوه وتفتكرون بوقف لا هم بدش في الغالي قوقل عشان يعلمني ابيها تصير احسن مدونه في تاريخ البشرية يمكن يضرب الحظ واصير كاتبه وياخذوني اكتب لهم مسلسلات وافلام ويمكن بعد يضرب الحظ اكثر واخذ جائزة نوبل ليش لا اللي اخذوها احسن مني ولا يعني احسن مني لالالا اخاف احسن مني